يلي عــــــــلي ها لوقت تنشد فينه ،،،،،، دور اكتاب وشوفلك بنينه ،،،، وساع نحكيلك
فالســـــــــــــــــــــطور الاوله ،،،،،، أساع نحكيلك علي أغياب الدولة
ونحكيلك علي صار فأول جولة ،،،،،، وكيف صار فينا وكيف تمينه
اوكيف بين خى اوخوه خشت غوله ،،،،، وكيف بالفتّن خاشين علينه
اوكيف اليهودى سكّر علينا ابجوله ..... لا قدرنا ننزلوا لا ساريه في ايدينه
يلي عـــــــــلي هالوقت تنشد فينه ،،،،،، دور اكتاب وشوفلك بّنينه ،،،، وساع نحكيلك
واقلب الصفحه وكتب عقاب لحكاية .... وخلينى انسهري امعاك سهرايه
ونحكى عللي صار مالبِداية .... وكيف السراب في جرته عدينه
بزّعنه اميتنا نـــــــــكسنا رايه ..... مشينا العدو الله وجّدينه
انريدوا الوطن ايكون حد الغاية .... جنة الدنيا غير ما طقينه
انريدوا الطب والعلم والتهنايه .... وبّنيه جديده وفا لشوارع زينه
انريدوا بناء لنسان في بنيانه.... و التربيه للتعليم تبدا عينه
انريدوا استاذيه وفالتقرايه ..... خبره طويله واخذين عالقابينه
ويردن اخلاق الناس والتربايه .... ويرد الحشم وكل حد يمسك دينه
انريدوا اقصور مليانه ضوايه .... ونبوا معاش أيسد ويكفينه
ونبوا كراهب امقنطا جرايه ..... ودولار واجد انكان مشينه
وشور هالخارج اتجى تعدايه .... انزهوا نظرنا ونطلقوا كرعينه
اركبنا شلكلك ريت ها لحوحايه .... مشهد عطيب هلى عليه اوعينه
فتاشه كانت امسكره بعّناية ..... انحلت وما من قناطش رينه
يلي علي هالوقت تنشد فينه ... دور اكتاب وشوفلك بنينه ... وساع نحكيلك
بقلم / سعد الوحيشي
ليست هناك تعليقات:
إرسال تعليق